بدھ مذہب نوں منن والیاں دے روحانی پیشوا دلائی لامہ وی روہنگیا مسلماناں دی حمایت وچ بول پئے

تبت(پاکستان پوائنٹ نیوز11۔ستمبر2017ء) بدھ مذہب نوں منن والیاں دے روحانی پیشوا دلائی لامہ وی روہنگیا مسلماناں دی حمایت وچ بول پئے نیں۔ دلائی لامہ دا کہنا اے کہ بدھا ہوندے تے روہنگیا مسلماناں دی مد کر رہے ہوندے۔ دلائی لامہ نے آکھیا کہ تشدد دی وجہ توں فرار ہون والے معصوم مسلمان روہنگیا دی مدد کیتی جانی چاہیدی کیونکہ بدھ مت دی تعلیم ایہو اے۔چیتے رہوے کہ ایہ پہلا موقع اے کہ دلائی لامہ نے ایس بحران اُتے اپنا ردعمل دتا اے۔ دلائی لامہ دا کہنا اے کہ اوہ لوک جو مسلماناں نوں دھمکا رہے نیں اوہناں نوں بدھا بارے سوچنا چاہیدا۔ اجیہی حالت وچ بدھا نے یقینن اوہناں غریب مسلماناں دی مدد کیتی ہونی۔ ایس ساری صورتحال اُتے میں بہت دُکھ محسوس کر رہیا واں۔