’مودی نوں بلاک کرو‘ ٹویٹر اُتے مہم چل پئی

نویں دِلی(پاکستان پوائنٹ نیوز09۔ستمبر2017ء) بھارتی وزیر اعظم نریندر مودی نوں مقتول سوانی پرچاکار گوری لنکیش نوں گالھاں کڈھن اُتے تنقید دا نشانہ بنایا جا رہیا اے۔ایس حوالے نال ٹویٹر اُتے ’مودی نوں بلاک کرو‘ مہم چل پئی اے۔ تفصیل مطابق بھارتی وزیر اعظم نریندر مودی نوں مقتول سوانی پرچاکار گوری لنکیش نوں گالھاں کڈھن اُتے تنقید دا نشانہ بنایا جا رہیا اے۔ نریندر مودی نے گوری لنکیش دے قتل اُتے گالھ والا ٹویٹ ری ٹویٹ کیتا۔ جہدے مگروں بھارتی وزیر اعظم خلاف ’مودی نوں بلاک کرو‘ مہم چل پئی۔ ایہ مہم ٹویٹر اُتے اپنے عروج اُتے اے تے کئی مشہور بندیاں نے نریندر مودی دے ٹویٹر اکاؤنٹ نوں بلاک کر دتا اے۔