جدہ(پاکستان پوائنٹ نیوز23۔اگست2017ء) حج سکیورٹی فورس دے معاون کمانڈر میجر جنرل منیر الجبریل نے خبردار کیتا اے کہ جو لوک چور راہواں توں کسے طرحاں حج کرن لئی پہنچدے نیں اوہناں خلاف کارروائی کیتی جائے گی۔الجبریل نے پریس کانفرنس دوران منی وچ پرچا کاراں نال گل بات کردے ہوئے آکھیا کہ امن عامہ دیاں دو وڈیاں ذمے واریاں نیں، پہلا فرض تے ایہ اے کہ جرم نوں روکن دے نال نال لوکاں نوں بچایا جائے۔
دوجا فرض ایہ اے کہ جرم ہون اُتے واردات کرن والیاں نوں گرفتار کر کے اوہناں خلاف ثبوت اکٹھے کیتے جان۔ اوہناں نے واضح کیتا کہ مشاعر مقدسہ وچ 29پولیس سٹیشن نیں جو حج دوران اپنیاں ذمے واریاں نبھان گے۔ اوہناں نے حاجیاں نوں آکھیاکہ اوہ مشاعر مقدسہ جان ویلے قیمتی تے بھاری شیواں نال نہ لیجان۔
