سعودی عرب:غیر ملکی انجینئرز لئی نوکری واسطے 5سال دا تجربا ہونا ضروری اے

ریاض(پاکستان پوائنٹ نیوز23۔اگست2017ء) سعودی عرب دی لیبر اینڈ سوشل ڈویلپمنٹ دی وزارت نے ایس سمجھوتے دا اعلان کیتا اے کہ غیر ملکی انجینئراں دی بھرتی لئی اوہناں کول پنج سال توں ودھ دا تجربا ہونا ضروری اے۔ ایس توں وکھ اوہناں دا ہور کہنا سی کہ پنج سال دے تجربے دے نال نال غیر ملکی انجینئرز نوں سعودی عرب وچ بھرتی لئی ٹیسٹ تے انٹرویو وی دینا پئے گا تاں جے انتظامیہ نوں یقین ہو سکے کہ اوہ جہنوں بھرتی کر رہے نیں اوہ کم کرنا جاندا اے۔ سعودی پریس ایجنسی مطابق ایس فیصلے دا مقصد حکومتی تے نجی شعبیاں وچ سعودی انجینئرز لئی روزگار پیدا کرنا اے۔