کویت سٹی (پاکستان پوائنٹ نیوز19۔اگست 2016ء) کویت دی خفیا پولیس نے کارروائی دے دوران اک غیر ملکی تے کویتی شہری نوں کار چوری دے شبے وچ گرفتار کر لِتا۔ تفصیل دے مطابق کویت دی خفیا پولیس نے پچھلے دیہاڑے اک بغیر نمبر پلیٹ گڈی نوں اک علاقے توں لنگھدے ویکھیا۔ جہدے بعد اوہناں نے گڈی دا پِچھا کر کے اوہنوں روکیا۔ کویتی پولیس نے جدوں ذکر کیتی گئی گڈی دا چیسی نمبر چیک کیتا تے اوہ چوری دی نکلی۔
جہدے بعد پولیس نے گڈی وچ سوار بندیاں نوں گرفتار کرنا چاہیا پر گڈی ڈرائیور نے گڈی نوں تیزی نال دوڑایا۔ پولیس نے وی اوس گڈی دا پِچھا کرنا شروع کر دِتا۔ جدکہ تیز رفتاری پاروں ملزماں دی گڈی اک کھمبے نال جا ٹکرائی جہدے نال دوب بندے زخمی ہو گئے ۔کویتی پولیس نے موقع اُتے پہنچ کے دوواں بندیاں نوں گرفتار کر لیا، جدکہ ملزماں دے قبضے توں اسلحا وی برآمد ہویا۔
