نیویارک (پاکستان پوائنٹ نیوز19۔اگست 2016ء) اقوام متحدا دے سیکرٹری جنرل بان کی مون نے وزیر اعظم نواز شریف دے خط دا جواب دے دِتا۔ خط وچ اقوام متحدا دے سیکرٹری جنرل بانکی مون نے آکھیا کہ کشمیر وچ معصوم لوکاں دیاں موتاں مذمت جوگ نیں تے ایس تشدد نوں روکن لئیاں کوششاں کیتیاں جان۔ اقوام متحدا دے سیکرٹری جنرل بان کی مون دا کہنا اے کہ پاکستان تے بھارت وچ مسائل مذاکرات نال ای حل ہو سکدے نیں۔
بان کی مون دا کہنا سی کہ اقوام متحدا کشمیر مسئلے اُتے خدمتاں فراہم کرن لئی تیار اے۔ اوہناں نے آکھیا کہ پاکستان دیاں علاقائی امن لئی کوششاں سلاہن جوگ نیں۔ بانکی مون نے آکھیا کہ اقوام متحدا دی جنرل اسمبلی دے دوران وزیر اعظم پاکستان نواز شریف نال ملاقات دا انتظار کر رہیاں واں۔ یاد رہوے کہ وزیر اعظم نواز شریف نے اقوام متحدا دے سیکرٹری جنرل بان کی مون نوں خط لکھ کے مقبوضہ کشمیر وچ فورسز دے ظلم رکوان لئی کردار ادا کرن دا مطالبا کیتا سی۔
