افغانستان وچ امن دے قیام لئی پاکستانی کوششاں دی قدر کردے آں:امریکا

افغانستان وچ امن دے قیام لئی پاکستانی کوششاں دی قدر کردے آں:امریکا

واشنگٹن (پاکستان پوائنٹ نیوز19۔اگست 2016ء) امریکی دفتر خارجا دے ترجمان جان کربی نے آکھیا اے کہ افغانستان تے پاکستان نوں دہشت گردی تے انتہا پسندی دا سامنا اے، افغانستان وچ امن دے قیام لئی پاکستان دیاں کوششاں نوں سلاہندے آں۔ اوہناں دا کہنا سی کہ پاکستان دہشت گردی دے خاتمے لئی کوششاں کر رہیا اے۔ مستحکم پاکستان تے افغانستان امریکا دے حق وچ اے۔

غیر ملکی خبر رساں ادارے دے مطابق جان کربی نے پریس بریفنگ وچ آکھیا کہ پاکستان تے افغانستان وچ دہشت گردی دا مسئلا اِکو جہیا اے۔ دوویں ملکاں نوں دہشت گردی تے انتہا پسندی دا سامنا اے۔ اوہناں دا کہنا سی کہ افغانستان وچ امن دے قیام لئی پاکستان دیاں کوششاں دی قدر کردے آں۔ اوہناں نے آکھیا کہ پاکستان دہشت گردی دے خاتمے لئی کوششاں کر رہیا اے۔ مستحکم پاکستان تے افغانستان امریکا دے مفاد وچ اے۔