نویں د ِلی(پاکستان پوائنٹ نیوز18۔اگست2017ء) بھارتی وزیر داخلا راجناتھ سنگھ نے آکھیا اے کہ وزیر اعظم نے کشمیر بارے دل نوں موہ لین والا بیان دتا اے کہ حکومت گولی تے گالھ دی بجائے پرامن مذاکرات اُتے یقین رکھدی اے۔ بھارتی میڈیا مطابق اپنے اک بیان وچ اوہناں نے آکھیا کہ کشمیر دی اکثریت امن دی طرفدار اے پر کُجھ تھوڑے جہے لوک اکثریت نوں یرغمال بنائے ہوئے نیں، اوہناں نوں ایہدی اجازات نہیں دتی جائے گی۔
اوہناں نے آکھیا کہ وزیر اعظم دا بیان کشمیر دی اکثریت لئی اک واضح پیغام اے کہ کشمیریاں نوں گلے نال لان لئی بھاچپا دی حکومت تیار اے۔ اوہناں نے آکھیاکہ وزیر اعظم نے واضح کر دتا اے کہ تشدد دا کوئی حامی نہیں اے۔ ایس لئی ملک وچ کسے طرحاں دا تشدد کیوں نہ ہوئے قبول نہیں اے۔ اوہناں نے آکھیا کہ امن لئی کشمیر دے سارے طبقیاں نال گل بات ہو سکدی اے۔
