سپین: گڈی راہ جاندے بندیاں تے چڑھ گئی، کئی بندے زخمی، میٹرو ٹرین بند

میڈرڈ(پاکستان پوائنٹ نیوز17۔اگست2017ء) سپین وچ گڈی راہ جاندے بندیاں تے چڑھ گئی، حادثے دے نتیجے وچ کئی بندے زخمی ہو گئے ۔ غیر ملکی خبر ایجنسی مطابق سپین دے شہر بارسلونا وچ گڈی راہ جاندے بندیاں تے گڈی چڑھن دے نتیجے وچ کئی بندے زخمی ہو گئے نیں۔ سکیورٹی و ریسکیو وسیلے حادثے مگروں وقوعہ تے پہنچ گئے نیں۔ ریسکیو ٹیماں نے زخمیاں نوں ہسپتال منتقل کرنا شروع کر دتا اے۔ واقعے مگروں لوکاں وچ خوف کھلر گیا۔ دوجے پاسے سکیورٹی خدشیاں نوں مُکھ رکھدے ہوئے واقعے مگروں میٹرو سروس بند کر دتی گئی اے۔