چندی گڑھ(پاکستان پوائنٹ نیوز17۔اگست2017ء) بھارتی شہر چندی گڑھ وچ جنسی زیادتی دا شکار ہون والی 10ورھیاں دی بالڑی نے بال نوں جنم دے دتا۔ چندی گڑھ دے اک مقامی ہسپتال وچ 10ورھیاں دی بالڑی دے حاملا ہون دے 35ہفتیاں مگروں ای ڈیلیوری کر دتی گئی۔ ہسپتال دے وسیلیاں مطابق بال دا ویلے توں پہلاں جنم ہون دی وجہ توں اوہ کمزور اے تے اوہدا بھار 2.1کلو اے جدکہ اوہدی ماں 10ورھیاں دی زیادتی دا شکار کُڑی نوں ایہ تیکر پتا نہیں اے کہ اوہنے کہڑے بال نوں جنم دتا اے۔
خاندانی وسیلیاں مطابق ذکر کیتی گئی بالڑی نوں دسیا گیا کہ اوہدے معدے وچ پتھری اے جہنوں کڈھن لئی آپریشن کیتا جا رہیا اے۔ میڈیا رپورٹس وچ دسیا گیا کہ بالڑی نوں اوہدے ماموں تے ہوٹل دے اک ورکر نے 7مہینیاں تیکر جنسی زیادتی دا نشانا بنایا۔ 30ہفتیاں دا حمل ہون کارن اوہنوں ڈِگانا وی مشکل سی، جہدی وجہ توں 35ہفتیاں مگروں آپریشن کرنا پیا۔
