سرینگر:بھارت دے آزادی دیہاڑ توں پہلاں لوکاں دیاں زندگیاں عذاب بنا دتیاں گئیاں

بخشی سٹیڈیم دوالے منگل نوں بھارت دی آزادی دی مرکزی تقریب ہون والی اے، وڈی گنتی وچ بھارتی فوجی تعینات کر دتے گئے

سرینگر:بھارت دے آزادی دیہاڑ توں پہلاں لوکاں دیاں زندگیاں عذاب بنا دتیاں گئیاں
بخشی سٹیڈیم دوالے منگل نوں بھارت دی آزادی دی مرکزی تقریب ہون والی اے، وڈی گنتی وچ بھارتی فوجی تعینات کر دتے گئے

سری نگر(پاکستان پوائنٹ نیوز14۔اگست2017ء) مقبوضہ کشمیر و چ بھارت دے آزادی دیہاڑ توں پہلاں سخت پابندیاں لگ گئیاں نیں، تلاشیاں تے عام شہریاں توں پُچھ گچھ دا سلسلا ہور تیز کر دتا گیا اے جہدی وجہ توں لوکاں دیاں زندگیاں عذاب بن گئیاں نیں۔ کشمیر میڈیا سروس مطابق سری نگر و وادی کشمیر تے ہور سارے ضلعیاں وچ بھارتی فوج دی گنتی ودھا دتی گئی اے۔ بخشی سٹیڈیم دوالے جتھے کل بھارت دے آزادی دیہاڑ دی مرکزی تقریب ہونی اے اوتھے ہزاراں فوجیاں نوں تعینات کر دتا گیا اے۔

یاد رہوے کہ کشمیری بھارت دے آزادی دیہاڑ نوں ہمیشہ ای کالا دیہاڑ (یوم سیاہ) دے طور تے مناندے نیں۔ بخشی سٹیڈیم نوں جان والے سارے راہواں نوں بھارتی فوج تے پولیس نے سیل کر دتا اے۔ سٹیڈیم دوالے بلڈنگاں اُتے ماہر نشانے باز بٹھا دتے گئے نیں جدکہ لوکاں دی آوا جاوی تے نظر رکھن لئی کلوز سرکٹ کیمرے وی لائے گئے نیں۔