نویں دِلی (پاکستان پوائنٹ نیوز18۔اگست 2016ء) بھارتی دارلحکومت نویں دِلی دی اک بیکری وچ جمعرات دی سویرے دھماکے دے نتیجے وچ 3 بندے ہلاک تے 4 زخمی ہو گئے جدکہ ممبئی وچ اک تیز رفتار کار بے قابو ہو کے درخت نال ٹکر کھا گئی، جہدے نال 5 بندے ہلاک ہو گئے۔ بھارتی اخبار دی رپورٹ دے مطابق نویں دِلی دے مشرقی علاقے کھریجہ وچ تِن منزلا بیکری دی بھٹھی وچ دھماکے دے ویلے 20 ملازم کم کر رہے سن۔
دھماکے دے بعد بیکری وچ اگ لگ گئی، زخمیاں وچوں کئی دی حالت خطرے وچ اے۔ ایس توں وکھ ممبئی دی ویسٹرن ایکسپریس وے اُتے اک کار تیز رفتاری پاروں بے قابوہو کے درخت نال ٹکر کھا گئی جہدے نتیجے وچ کار وچ سوار مزمل، راشدہ، جنید تے ہور دو بندے ہلاک ہو گئے۔ ہلاک ہون والیاں دیاں عمراں 22 توں 25 سال دے درمیان سن۔
