کابل (پاکستان پوائنٹ نیوز17۔اگست 2016ء) پاکستانی طالبان توں وکھ ہون والے دھڑے جماعت الاحرار نے واضح کیتا اے کہ اوہناں دا داعش (اسلامک سٹیٹ) نال کوئی تعلق نہیں اے۔ جدکہ ایہ پہلا موقع اے کہ ایس دھڑے نے داعش دے نال رابطیاں توں انکار کیتا اے۔ برطانوی خبر رساں ادارے دے مطابق جماعت الاحرار دے قائد عمر خالد الخراسانی ولوں اپنے بیان وچ آکھیا گیا اے کہ جماعت الاحرار دی لڑائی صرف پاکستانی ریاست نال اے تے ایہ ایہنوں داعش نال جوڑنا غلط اے۔
عمر خالد الخراسانی نے آکھیا کہ اسیں ایہ گل واضح کر دینا چاہندے آں کہ ساڈی تحریک دا داعش یاں القاعدہ نال کوئی تعلق نہیں اے۔ داعش، القاعدہ یاں مجاہدین دی کسی وی تحریک دے ارکان ساڈے مسلمان بھرا نیں پر ساڈا اوہناں نال کوئی تنظیمی تعلق نہیں اے۔
