بیجنگ (پاکستان پوائنٹ نیوز16۔اگست 2016ء) چینی میڈیا نے آکھیا اے کہ بیجنگ پاک چین اقتصادی راہداری 46 بلین ڈالر دا منصوبا ختم نہیں کرے گا پر پاکستان تے بھارت وچکار قریبی تعلقات ہون پاروں چین کشمیردے جھیڑے وچ نہیں آئے گا۔ چینی اخبار گلوبل ٹائمز وچ لکھے گئے اک آرٹیکل وچ آکھیا گیا اے کہ راہداری منصوبے نوں بھارت دے احتجاج دے نتیجے وچ کدی ختم نہیں کراں گا، حقیقت وچ پاک چین راہداری منصوبا بھارت سنے کسے تیجے فریق نوں نشانا نہیں بنا رہیا۔
رپور ٹ وچ ہور آکھیا اے کہ بھارتی خارجا وزیر ششما سوراج اپنے چین دے دورے دے موقع تے ایس منصوبے اُتے اپنا احتجاج ریکارڈ کرا چکے نیں پر چین بھارت دے احتجاج نوں رد کردے ہوئے ایس منصوبے اُتے کم آگے ودھائے گا۔ رپورٹ وچ ہور آکھیا گیا اے کہ چین ایس منصوبے اُتے کم جاری رکھے گا پر بھارت تے پاکستان دوویں ملکاں لئی اِکو جہے اقتصادی مفادات ہون پاروں چین مسئلا کشمیر اُتے کوئی دلچسپی نہیں لوے گا۔
