امیر قطر دے والد دی پنڈلی وچ فریکچر،آپریشن لئی ہسپتال داخل

دوحا(پاکستان پوائنٹ نیوز08۔جولائی2017ء) امیر قطر شیخ تمیم دے والد شیخ حمد بن خلیفہ آل ثانی پنڈلی وچ فریکچر کارن آپریشن مگروں ہسپتال اندر نظر آئے۔ میڈیا رپورٹس مطابق اوہناں دے پُتر شیخ جوعان بن حمد نے ٹوئٹر اُتے اپنے والد دی تصویر تے خبر پوسٹ کیتی پر جوعان نے آپریشن بارے ہور تفصیلاں نہیں پیش کتیاں تے نہ ایہ دسیا کہ ذکر کیتے گئے آپریشن قطر وچ یاں باہرلے ملک ہویا۔ چیتے رہوے کہ پچھلے دیہاڑے امریکی رسالے دی رپورٹ وچ آکھیا گیا سی کہ خلیجی ملکاں دے چالو سیاسی بحران نال نبڑن لئی قطر وچ اقتدار دی کمان عملی طور اُتے شیخ حمد بن خلیفہ آل ثانی نے سنبھال لئی اے۔