دوحا(پاکستان پوائنٹ نیوز07۔جولائی2017ء) قطری شہزادے حماد بن جاسم دے پاکستانی سفارتخانے نہ آن دی وجہ ساہمنے آگئی۔ تفصیل مطابق پاناما کیس جے آئی ٹی ساہمنے پیش ہون والے قطری شہزادے حماد بن جاسم نے پاکستانی سفارت خانے آن توں انکار کر دتا سی پر ہن قطری شہزادے دے انکار دی وجہ ساہمنے آ گئی اے۔ وسیلیاں مطابق حسین نواز دی تصویر لیک تے سفارت خانے وچ پاکستانی قانون دا اطلاق حماد بن جاسم دے پاکستانی سفارت خانے نہ آن دی وجہ بنیا۔
قطری شہزدے نوں 5توں 6گھنٹیاں لئی سفارتخانے آن دا آکھیا گیا سی پر حماد بن جاسم اپنی ویڈیو تصویر بارے جے آئی ٹی اُتے اعتماد لئی تیار نہیں نیں ایس لئی اوہناں ولوں جواب دتا گیا اے کہ جے آئی ٹی ارکان گھر آکے سوال کر لین، میں اوہناں دا جواب دیواں گا۔ اپنے سابق عہدیاں دی مناسب نال وی حماد بن جاسم کسے سفارت خانے نہیں جا سکدا۔ چیتے رہوے کہ حماد بن جاسم قطر دے وزیر اعظم تے وزیر خارجا رہ چکے نیں۔
