بیجنگ(پاکستان پوائنٹ نیوز07۔جولائی2017ء) چین نے جرمنی دے شہر ہیمبرگ وچ جی 20ملکاں دے اجلاس دوران چینی صدر شی جن پنگ تے بھارتی وزیر اعظم مودی وچکار ملاقات دا امکان رد کر دتا۔ میڈیا رپورٹس مطابق بھوٹان دے نیڑے بھارت تے چین وچکار موجود سرحدی جھیڑا ودھ گیا اے۔ کشیدگی دے ایس ماحول وچ جرمنی دے شہر ہیمبرگ وچ جی 20ملکاں دا اجلاس جمعے توں شروع ہو گیا اے جہدے وچ چینی صدر شی جن پنگ تے بھارتی وزیر اعظم نریندر مودی رلتی ہو رہے نیں۔
ایس موقعے تے دوویں رہنماواں وچکار ملاقات دا امکان ظاہر کیتا جا رہیا اے تاں جے مسئلے نوں حل کیتا جا سکے پر بھارتی میڈیا مطابق چینی وزارت خارجا دے حکام نے ایس ملاقات دا امکان رد کر دے ہوئے آکھیا کہ ایہ ویلا تے ماحول شی جنگ پنگ تے مودی وچکار ملاقات لئی ٹھیک نہیں۔
