ریاض(پاکستان پوائنٹ نیوز06۔جولائی2017ء) سعودی حکومت نے ملک بھر دے نجی سیکٹر وچ موجود غیر ملکی ملازماں دے آنکڑے (اعدادو شمار) جاری کر دتے نیں، ایس ویلے ملکی آبادی تن کروڑ 27لکھ توں ودھ اے جدکہ اک کروڑ 11غیر ملکی ملازم پرائیویٹ سیکٹر وچ کم کر رہے نیں۔ اک عرب رسالے نے سعودی عرب دی وزارت داخلا دے نیشنل انفارمیشن سینڑ دے جاری کیتے گئے آنکڑیاں دے حوالے نال دسیا کہ ایس ویلے اک کروڑ 11لکھ 19ہزار 370ملازم سعودی عرب دے پرائیویٹ سیکٹر وچ کم کر رہے نیں۔
اوہناں نال موجود اوہناں دے گھر والیاں دے ہور جیئاں دی گنتی 22لکھ 21ہزار 551اے جہناں نوں رلایا جائے اتے ملازماں تے اوہناں دے گھر والیاں دی گنتی اک کروڑ 33لکھ 40ہزار 921بندی اے۔ رپورٹ مطابق ایہناں غیر ملکی ملازماں وچوں اک کروڑ 9لکھ 76ہزار 854دیاں عمراں 20سال 64سال وچکار اے جہناں دے 16لکھ 89ہزار 874رشتے دار ایتھے نیں۔ ایسے طرحاں 9ہزار 645ملازم اجیہے نیں جہناں دیاں عمراں 20ورھیاں توں گھٹ اے جدکہ اک لکھ 32ہزار 870ملازماں دیاں عمراں 64سال توں ودھ نیں۔
