استنبول(پاکستان پوائنٹ نیوز14۔جون2017ء) ترک ائر لائن نے پاکستانی شہریاں نوں 7دِنا سٹاپ اوور ویزا دین دا اعلان کر دتا۔ تفصیل مطابق ترکی دی وزارت برائے امور خارجا ترک ائر لائن راہیں آئر لینڈ، شینگن ملکاں تے برطانیا سفر کرن والے پاکستانیاں نوں 7دِنا ویزا دیوے گی۔ ترک ائر لائن جو کسے وی ہور ائر لائن دے مقابلے وچ دنیا بھر دے بُہتے ملکاں وچ سفر کردی اے نے پاکستانیاں نوں امریکا، شینگن ملکاں، برطانیا تے آئرلینڈ دا سٹاپ اوور ویزا دین دی پیشکش کیتی اے۔
ایس آفر دے تحت ٹرانسفر مسافر فلائٹ بکنگ دے عمل نوں مکمل کرن تے مسافراں نوں ترک ائر لائن دے مجاز عملے دے تیار کیتے گئے رہائشی چیک نال استنبول وچ قیام کر سکن گے۔ ایس چیک راہیں مرکزی استنبول وچ اکانومی کلاس دے مسافر 4سٹار ہوٹل وچ اک رات جدکہ بزنس کلاس دے مسافر 5سٹار ہوٹل وچ دو دن رہ سکن گے۔ ایس آفر دے تحت مسافر استنبول دی سیر وی کر سکن گے۔
