دبئی(پاکستان پوائنٹ نیوز03۔جون2017ء) متحدہ عرب امارات دے سفارت خانے نے جمعے دے دیہاڑے پاکستانی دفتر خارجا نوں اطلاع دیندے ہوئے آکھیا کہ پاکستانی شہریاں لئی دبئی دے 90دِنا سیاحتی ویزے اُتے پابندی لان دیاں خبراں صرف افواہواں سن۔ نال نال اوہناں نے پاکستانی دفتر خارجا توں اپیل کردے ہوئے آکھیا اے کہ ایہ افواہواں پاکستان ولوں کِھلاریاں گئیاں ایس لئی ایس معاملے دیاں تحقیقات ہونیاں چاہیدیاں نیں۔
وسیلیاں مطابق اوہناں دا کہنا سی کہ پاکستانی درخاست گزاراں اُتے 90دِنا دے ٹورسٹ ویزے اُتے پابندی دیاں خبراں وچ کوئی صداقت نہیں اے تے جہناں نے ایہ افواہواں کھلاریاں نیں پاکستانی حکام اوہناں خلاف سخت کارروائی کرن۔ چیتے رہوے کہ پہلی جون توں خبراں آ رہیاں سن کہ متحدہ عرب امارات نے پاکستانیاں لئی دبئی دے 90دِنا دے ٹورسٹ ویزے اُتے پابندی لا دتی اے۔ ہن ایہناں خبراں نوں یو اے ای دے سفارتی حکام نے رد کردے ہوئے آکھیا کہ پاکستانی شہراں اُتے ایس طرحاں دی پابندی لان دا کوئی فیصلا نہیں کیتا گیا۔
