سعودی عرب جان توں پہلاں ایف بی آئی دا نواں سربراہ مِتھاں گا: ٹرمپ

واشنگٹن(پاکستان پوائنٹ نیوز16۔مئی2017ء) ایف بی آئی دے سربراہ جیمز کومی دی برطرفی مگروں امریکی صدر ڈونلڈ ٹرمپ اوہناں دا جانشین مِتھنا چاہندے نیں۔ غیر ملکی خبر رساں ادارے دے مطابق امریکی صدر ڈونلڈ ٹرمپ نے اپنے اک بیان وچ آکھیا اے کہ اوہ آن والے جمعے نوں سعودی عرب جان توں پہلاں ایف بی آئی دا نواں سربراہ مِتھ دین گے۔ چیتے رہوے کہ ڈونلڈ ٹرمپ داایہ پہلا غیر ملکی سرکاری دورا ہووے گا۔ ٹرمپ انتظامیا ولوں جیمز کومی دی برطرفی دے اعلان دے نال اوہناں اُتے ایہ الزام وی لایا گیا سی کہ کومی ٹرمپ دی حریف صدارتی امیدوار تے سابق امریکی وزیر خارجا ہیلری کلنٹن دی ای میلز بارے سکینڈل دے سلسلے وچ ہون والی پُن چھا ن دوران اوہناںکئی غلطیاں کیتیاں سن۔