تل ابیب(پاکستان پوائنٹ نیوز12۔مئی2017ء) اسرائیل نے 2007تے 2008وچ ایران نال لڑن لئی کالعدم ’جنداللہ‘ دے جنگجوواں نوں تیار کیتا سی۔ مشہور رسالے فارن پالیسی دی رپورٹ وچ دعوا کیتا گیا اے کہ موساد دے ایجنٹاں نے سی آئی اے ایجنٹس دا روپ دھار کے جند اللہ نال رابطا کیتا سی۔ میگزین نے ہور انکشاف کیتا کہ اسرائیل نے ایران خلاف لڑن لئی جند اللہ دے دہشت گرداں نوں تیار کیتا، اسرائیلی ایجنسی موساد دے ایجنٹاں نے سی آئی اے اہل کاراں دے روپ وچ جند اللہ نال رابطا کیتا۔
رسالے دے مطابق اسرائیل دی ایس کارروائی اُتے امریکا دے اوس ویلے دے صدر جارج ڈبلیو بش ناراض ہو گئے، ناراضگی دی وجہ موساد دے ایجنٹاںولوں امریکی پاسپورٹ تے امریکی ڈالر دی ورتوں سی۔ رسالے دے مطابق جند اللہ اک دہشت گرد تنظیم اے جہدیاں جڑاں پاکستان وچ نیں۔ جند اللہ نے پاکستانی سرحد نال ایرانی علاقے وچ کارروائیاں کر کے ایرانی اہل کاراں نوں قتل کیتا۔
