تہران(پاکستان پوائنٹ نیوز09۔مئی2017ء) ایران نے تیز ترین بحری میزائل دا تجربا کر لیا۔ ایرانی میڈیا مطابق امریکا دے دفاعی حکام ولوں آکھیا گیا اے کہ ایران نے آبنائے ہرمز وچ تارپیڈو میزائل دا تجربا کرلیا اے تے ایہ میزائل 250میل فی گھنٹہ دی رفتار نال 6میل تک اپنے ٹارگٹ نوں نشانا بنان دی صلاحیت رکھدا اے۔ امریکی میڈیا ولوں اجے ایس گل دی تصدیق نہیں کیتی گئی اے کہ ایرانی میزائل دا تجربا کامیاب رہیا اے کہ نہیں جدکہ امریکی دفاعی حکام ولوں ایرانی میزائل دے تجربے اُتے سخت ردعمل دا وکھالا کیتا گیا اے تے اوہنوں خطے وچ اشتعال کھلارن دے برابر قرار دتا اے۔
چیتے رہوے کہ امریکا ولوں ایران دے میزائل تجربے مگروں مختلف قسم دیاں پابندیاں لائیاں گئیاں سن۔ ایرانی وزیر خارجا نے 20فروری 2017نوں امریکا نوں خبردار کردے ہوئے آکھیا کہ امریکا دھمکیاں دینا بند کر کیونکہ ایران اجیہیاں دھمکیاں توں ڈرون والا نہیں اے۔
