انڈونیشیا: قاری دا قرآن پاک دی تلاوت کردے کردے انتقال

جکارتہ(پاکستان پوائنٹ نیوز27۔اپریل2017ء) انڈونیشیا دے مشہور قاری تے عالم دین الشیخ جعفر عبدالرحمان اک سرکاری تقریب وچ قرآن پاک دی تلاوت دوران سورة ملک دی تلاوت کردے ہوئے انتقال کر گئے۔ مرکز اطلاعات فلسطین دے مطابق الشیخ جعفر عبدالرحمان دی آخری تلاوت کلام پاک دی اک فوٹیج سوشل میڈیا اُتے تیزی نال مقبول ہو رہی اے جہدے وچ اوہ قرآن پاک دی تلاوت کردے کردے انتقال کر گئے۔ تقریب وچ انڈونیشیا دے وزیر برائے مذہبی امور وی موجود سن۔ الشیخ جعفر نے سورة ملک دی تلاوت شروع کیتی، تے اچن چیت اوہناں دی آواز وچ ارتعاش پیدا ہوئی تے اوہ کپکپان لگے۔ موقع تے موجود بندیاں نے اوہناں نوں ڈِگن توں بچالیا پر اوہ قرآن پڑھدے پڑھدے اللہ نوں پیار ہو گئے۔