جدہ(پاکستان پوائنٹ نیوز21۔اپریل2017ء) سعودی وزارت لیبر تے سوشل ڈویلپمنٹ نے جدہ شاپنگ مالز نوں صرف سعودیاں لئی محدود کردے ہوئے غیر ملکیاں نوں نوکریاں دین اُتے پابندی لا دتی اے۔ عرب نیوز دیاں تفصیلاں دے مطابق وزیر لیبر علی الغفیس نے بدھ دے دیہاڑے جاری کیتے گئے اعلامیے وچ آکھیا کہ مالز وچ صرف سعودی مرد تے سوانیاں نوں نوکریاں دتیاں جان گیاں جدکہ مالز وچ موجود سوانیاں دیاں مخصوص دُکاناں اُتے سوانیاں اسسٹنٹ ای شیواں ویچن گےاں۔
حکام دے مطابق وزارت لیبر نے ایہ اقدام سعودی عرب وچ بے روزگاری دی شرح گھٹان لئی کیتا اے۔ حکام دے مطابق ریٹیل سیکٹر وچ 1.5ملین نوکریاں وچوں صرف 300,000سعودی نیں۔ سعودی عرب دے وژن 2030دے مطابق سعودی شہریاں نوں ریٹیل سیکٹر وچ ہور نوکریاں دتیاں جان گیاں۔
