پاکستان نے جوابی ایٹمی حملے دی صلاحیت حاصل کر لئی

پاکستان نے جوابی ایٹمی حملے دی صلاحیت حاصل کر لئی

جنیوا(پاکستان پوائنٹ نیوز21۔اپریل2017ء) ایٹمی ماہرین دا کہنا اے کہ بھارت دے ایٹمی ہتھیاراں دا مقابلا کیتے بغیر پاکستان اپنی ایٹمی طاقت نوں بہتر کرن لئی اقدامات جاری رکھے گا۔ جنیوا وچ اقوام متحدہ لئی سابق پاکستانی سفیر اکرام نے سٹرٹیجک ویژن انسٹی ٹیوٹ (ایس وی آئی) ولوں منعقد اک سیمینار نال خطاب دے دوران آکھیا ’اسیں ایہنوں برابر دی بنیاد اُتے نہیں لے رہے اسیں تناسب دے حوالے نال لے رہے آں، اسیں اوہنوں اپنے تحفظ لئی جوابی حملے دے طور اُتے ویکھ رہے آں‘سیمینار دا سرناواں ’ساﺅتھ ایشیا نیو کلیئر ڈاکٹرائن، ایٹمی ہتھیاراں دا توازن تے سٹریٹجک استحکام‘ سی۔

اوہناں نے آکھیا کہ ٹھیک کم تے معتبر ایٹمی طاقت صرف جوابی حملے دی صلاحیت نال مل سکدی اے جوکہ تیار کر لیا گیا اے۔ اوہناں نے نوٹ کیتا کہ سبھ توں وڈی لوڑ ایس گل نوں یقینی بنانا اے کہ ایٹمی طاقت لئی کسے قسم دی دیر نہیں ہونی چاہیدی۔