سعودی عرب وچ معاشی بحران: کئی وڈے پراجیکٹس ختم کیتے جان دا امکان

سعودی عرب وچ معاشی بحران: کئی وڈے پراجیکٹس ختم کیتے جان دا امکان

ریاض(پاکستان پوائنٹ نیوز18۔اپریل2017ء) سعودی حکام نے اپنی وزارت تے ایجنسیاں نوں ارباں رُپئے مالیت دے نامکمل انفراسٹرکچر ،مالی ترقیاتی پراجیکٹس تے منصوبیاں دا جائزا لین دی ہدایت کیتی اے۔ غیر ملکی خبر رساں ایجنسی دے مطابق ریاض دے حکام دا موقف اے کہ حکومت ہن تک اوہناں پراجیکٹس دی لسٹ بنا رہی اے جو کہ 25فیصد مکمل ہوئے نیں۔ ایہناں پراجیکٹس نوں شروع کرن دا مڈھ اوس ویلے بجھا جدوں اک دہاکا پہلے سعودی عرب وچ تیل دیاں قیمتاں وچ وادھا ہویا سی پر سال 2014دے دوران تیل دیاں قیمتاں وچ کمی ہون مگروں ریاض کول پراجیکٹس مکمل کرن لئی پیسے نہیں نیں۔

حکام دے مطابق جے ایہناں نامکمل پراجیکٹس نوں مکمل کرن دے پیسے نہ ہوئے تے ایہناں نوں ختم کر دتا جائے گا۔ وسیلیاں دے مطابق حکام دا کہنا اے کہ کُجھ پراجیکٹس نوں پرائیوٹ سیکٹر دی مدد نال مکمل کرن دیاں کوششاں کیتیاں جان گیاں جدکہ نامکمل پراجیکٹس نوں پوریاں کرن لئی 1.4ٹریلین سعودی ریال چاہیدی نیں۔ سال دے شروع وچ کُجھ حلقیاں ولوں اعلان کیتا گیا سی کہ کُجھ پراجیکٹس نوں ختم کیتا جائے گا پر اوہ پراجیکٹس جو کہ ملک لئی بہت ضروری نیں اوہناں نوں ختم نہیں کیتا جائے گا۔