پرتگال: نِکا جہاز مارکیٹ نیڑے ڈِگ کے تباہ، پائلٹ سنے 4مسافر ہلاک: میڈیا رپورٹس

پرتگال(پاکستان پوائنٹ نیوز17۔اپریل2017ء) پرتگال وچ نِکا جہاز ڈگ کے تباہ ہو گیا۔ جہاز ڈِگن دے نتیجے وچ چار مسافر ہلاک ہوگئے۔ میڈیا رپورٹس دے مطابق پرتگال وچ نکا جہاز مارکیٹ نیڑے ڈگ کے تباہ ہویا تے جہاز وچ اگ لگ گئی۔ جہاز مارکیٹ وچ کھلوتے اک ٹرک اُتے ڈِگاجہدی وجہ توں پارکنگ وچ کھلوتیاں ہور گڈیاں وچ وی اگ لگ گئی۔ جہاز وچ پائلٹ سنے تن مسافراں دے ہلاک ہون دی اطلاع اے۔ میڈیا رپورٹس دے مطابق حادثے والی تھاں اُتے ریسکیو ٹیما ں نے پہنچ کے امدادی کارروائیاں شروع کر دتیاں نیں جدکہ ہلاک ہون والے بندیاں دی ڈیڈ باڈیز نوں ہسپتال منتقل کر دتا گیا۔ امدادی ٹیماں جہاز دا ملبہ چُکن وچ رُجھیاں نیں۔