ریاض(پاکستان پوائنٹ نیوز17۔اپریل2017ء) سعودی عرب دے شعبہ دعوت ارشاد دی مساعی دے نتیجے وچ پچھلے چھ مہینیاں دے دوران 13ملکاں دے 828بندیاں نے اسلام قبول کیتا۔ عرب ٹی وی دے مطابق شعبہ دعوت و ارشاد دے ڈائریکٹر الشیخ عبدالحکیم الجاسر نے دسیا کہ اک ہزار دے نیڑے غیر مسلماناں دا اسلام قبول کرنا دعوت و ارشاد دی مساعی جمیلا دا ثمر اے۔ اوہناں نے دسیا کہ دعوت و ارشاد ولوں پچھلے چھ مہینیاں دے دوران ’خیرو فلاح دی بشارت‘ دے سرناویں ہیٹھ دعوتی کانفرنسراں ہوئیاں جہناں وچ 1730غیر مسلم شہریاں نے رلت کیتی۔
اوہناں وچوں 106مرداں نے اسلام قبول کیتا۔اوہناں دا کہنا سی کہ سعودی عرب وچ غیر مسلم شہریاں دی رہائش گاہواں اُتے 122دورے کیتے گئے تے اوہناں وچ اسلامی لٹریچر ونڈیا گیا۔ ایس لٹریچر تے دعوتی مہم دوران 1614غیر مسلماں نے استفادا کیتا تے 239غیر مسلماناں نے اسلام قبول کیتا۔
