غزہ(پاکستان پوائنٹ نیوز14۔اپریل2017ء) فلسطین وچ اک بندے نے لمی نماز پڑھان اُتے امام مسجداُتے پٹرول سُٹ کے اوہنوں اگ لا دتی، ملزم نوں گرفتار کر لیا گیا۔ ’العربیہ‘ نے دعوا کیتا اے کہ فلسطین دے شمالی شہر نابلس دی مسجد وچ اک بندے نے نماز فجر تے دعا لمی کروان اُتے غصے وچ آکے امام مسجد اُتے پٹرول سُٹ کے اوہنوں اگ لا دتی۔ ایس دوران امام مسجد نوں لگی اگ نوں بُجھا دتا گیا پر اوہنوں ڈاڈھے زخم آئے۔
غیر ملکی میڈیا نے اک سکیورٹی عہدیدار دے حوالے نال دسیا کہ پولیس نے 50ورھیاں دے اک بندے نوں گرفتا کر لیا اے۔ ذکر کیتے گئے بندے نے فجر دی نماز ویلے امام مسجد اُتے پٹرول سُٹ کے اوہنوں اگ لان دی کوشش کیتی سی۔ فلسطینی پولیس دے مطابق ملزم نے تفتیش دوران دسیا کہ اوہنے امام مسجد نوں کئی وار آکھیا سی کہ اوہ نماز تے دعا نوں بہتا لما نہ کرے پر اوہنے ایس پاسے کوئی توجہ نہیں دتی، جہدی وجہ توں میں اوہنوں اگ لا دتی۔
