کریش لینڈگ دوران جہاز سڑک اُتے ڈِگ کے تباہ، پائلٹ محفوظ

کریش لینڈگ دوران جہاز سڑک اُتے ڈِگ کے تباہ، پائلٹ محفوظ

اٹلی (پاکستان پوائنٹ نیوز5۔اگست 2016ء) اٹلی دے شہر میلان نیڑے اک جہاز رن وے توں ہوندا ہویا سڑک اُتے ڈِگ کے تباہ ہو گیا۔ تفصیل دے مطابق بوئنگ 400۔737 کارگو جہاز پیرس ایئر پورٹ توں ٹُریا ، جدوں ایہ اٹلی دے شہر میلان دے نیڑے برگام اوریو دے رن وے اُتے مقامی ویلے دے مطابق سویرے 4 وجے پہنچیا تے شہر دی مشہور سڑک اُتے ڈِگ کے تباہ ہو گیا۔جہاز دے سڑک اُتے ڈِگن ویلے اوتھے ڈاڈھی بارش ہو رہی سی۔ جہاز وچ موجود دوویں پائلٹ محفوظ رہے پر اطلاع دے مطابق آل دوال وچ کسے قسم دا مالی یا جانی نقصان نہیں ہویا۔