سرینگر (پاکستان پوائنٹ نیوز5۔اگست 2016ء) انسانی حقاں دی تنظیم ایمنسٹی انٹرنیشنل انڈیا نے کشمیر وچ وکھالویاں لئی ورتی جان والی بندوق اُتے فوری پابندی لان دا مطالبہ کردے ہوئے آکھیا اے کہ کشمیر وچ خطرناک ہتھیار ورتے جا رہے نیں جہدے اثرات وی خطرناک ہو سکدے نیں۔ ایمنسٹی انٹرنیشنل ولوں جاری ہون والے بیان وچ آکھیا گیا اے کہ تن اگست نوں ریاض احمد شاہ نوازسری نگر چوں مراد حالت وچ ملیا،جہدے جُسے اُتے پیلیٹ دے کئی زخم سن، پوسٹ مارٹم وچ انکشاف ہویا اے کہ ریاض نوں نیڑیوں نشانا بنایاگیا اے۔
ریاستی پولیس نے نامعلوم سکیورٹی فورسز خلاف قتل دا مقدما درج کیتا اے۔پر وادی وچ پچھلے کئی ہفتیاں دے دوران سینکڑیاں بندیاں نوں پیلیٹ گن ورت کے زخمی کیتا گیا اے جہدے چوں کئی لوک اکھوں انھے ہو گئے نیں۔ایس لئی ریاست ایس ہتھیار اُتے پابندی لاوے۔
