ممبئی(پاکستان پوائنٹ نیوز04۔اپریل2017ء) بھارتی خفیہ ایجنسیاں دا کہنا اے کہ داﺅد ابراہیم جہدا تعلق بھارت توں اے ہن پاکستان وچ اے پر ہن داﺅد ابراہیم نال تعلقات دے شبھے تے منی لانڈرنگ دے جرم وچ اک پاکستانی منی چینجر نوں 68مہینیاں لئی جیل گھل دتا گیا اے۔ بھارتی میڈیا دے مطابق الطاف کھانانی، جو کہ ایس توں پہلے وی اک سال میامی جیل اندر لنگھا چکیا اے۔
جہنوں فلوریڈا عدالت نے دو لکھ 25ہزار ڈالر جرمانے دی سزائی سنائی سی نوں 29مارچ دے دیہاڑے قید دی سزا سنائی گئی۔ کھانانی بار ے دسیا گیا اے کہ اوہدا تعلق داﺅد براہیم سنے لشکر طیبہ، القاعدہ تے جیش محمد نال وی اے۔ کھانانی نے اپنے جرم نوں قبول کردے ہوئے بیان دین اُتے رضا مندی ظاہر کیتی اے۔ سمجھوتے مطابق کھانانی اُتے پراسیکیوشن ولوں نرمی ورتی جائے گی۔چیتے رہوے کہ کھانانی اینڈ کالیا انٹرنیشنل نوں پاکستان وچ سبھ توں معتبر منی ایکسچینج سمجھیا جاندا سی۔
