داعش دا خطرا، امریکی زمین اُتے، واشنگٹن وچ پولیس افسر دولت اسلامیہ دی مدد دے الزام وچ گرفتار

واشنگٹن (پاکستان نیوز پوائنٹ 04 اگست 2016ء) داعش دا خطرا ہُن امریکی زمین اُتے وی منڈلا رہیا اے۔ واشنگٹن وچ پولیس افسر نوں داعش دی مدد دے الزام وچ گرفتار کر لِتا گیا اے۔ ایف بی آئی نے واشنگٹن ٹرانسپورٹ سسٹم لئی کم کرن والے اک پولیس اہلکار نوں داعش دی مدددے الزام وچ گرفتار کر کے فرد جرم عاید کر دتی اے۔ایف بی آر دا آکھنا اے کہ 36 سالا پولیس افسر نکولس ینگ نے ایف بی آر دے ایجنٹ نوں داعش دا کارندا سمجھ کے ڈھائی سو ڈالر دا فون کریڈٹ گھلیا۔

جو داعش دے جنگجو مسیجنگ لئی ورت رہے نیں۔نکولس بارے تحقیقات 2010 توں کیتیاں جا رہیاں سن۔ اوہناں نے دسیا کہ نکولس نے 2011 وچ لیبیا دا سفر وی کیتا، نکولس ینگ پہلا امریکی پولیس اہلکار اے، جہنوں داعش دی مدد دے الزام وچ گرفتار کیتا گیا اے۔ حکام دا آکھنا اے کہ نکولس دے امین الخلیفی نال رابطے سن۔ الخلیفی نے 2012 وچ کیپیٹل بل دی بلڈنگ وچ دھماکا کرن دے منصوبے دا اعتراف کیتا سی جدکہ نکولس واشنگٹن ٹرانسپورٹ وچ 2003 توں کم کر رہیا سی۔