کابل(پاکستان پوائنٹ نیوز15۔فروری2017ء) افغانستان دے شہر قندھار وچ زخمی یو اے ای دے سفیر جمعہ الکابی چلانا کر گئے۔ میڈیا رپورٹس دے مطابق وزارت برائے امور مملکت نے ٹویٹر اُتے جاری اپنے بیان وچ یو اے ای دے سفیر جمعہ الکابی دے ہلاک ہون دی تصدیق کر دِتی اے۔ یاد رہوے کہ قندرھار دھماکے وچ دو ہفتے پہلے زخمی ہون والے متحدہ عرب امارت دے سفیر جمعہ الکابی افغانستان وچ اپنا علاج کروا رہے سن۔
اوہناں دا پتا لین ابوظہبی دے ولی عہد محمد بن زائد النہیان آپ افغانستان وی آئے سن۔ وسیلیاں دے مطابق قندرھار دھماکے وچ متحدہ عرب امارات دے 5ہور سفارت کاراں سنے 11بندے ہلاک ہو گئے سن۔ دھماکا قندھار دے گورنر ہمایوں عزیزی دے گھر اُتے اوس ویلے ہویا جدوں اماراتی پروہنیاں دا وفد اوہنا ں نال ملاقات کرن لئی آیا سی۔ واقعے وچ ہمایوں عزیز وی زخمی ہوئے سن۔
