مکہ مکرمہ(پاکستان پوائنٹ نیوز10۔فروری2017ء) دو دن پہلے خانہ کعبہ کول کھلوکے اک بندے نے آپ ساڑا کرن دا کوشش کیتی پر کول کھلوتے بندے تے سکیورٹی حکام نے ویلے سِر کارروائی کردے ہوئے آپ ساڑا کرن والے بندے نوں گرفتار کر لیا۔ واقعے مگروں امت مسلمہ وچ آپ ساڑا کرن والے بندے خلاف ڈاڈھی نفرت پیدا ہو گئی سی پر ہن خانہ کعبہ دا غلاف بنان والی کمپنی ولوں بیان وچ آکھیا گیا اے کہ خانہ کعبہ دا غلاف فائر پروف اے جہدا مطلب ایہ اے کہ خانہ کعبہ دے خلاف اُتے اگ اثر نہیں کردی۔
فیکٹری دے ڈائریکٹر محمد باجودہ دا کہنا سی کہ خانہ کعبہ دے غلاف دی روز وار اصلاح و مرمت کیتی جاندی اے۔ فیکٹری ڈائریکٹر نے دسیا کہ غلاف کعبہ دی تیاری وچ جس دھاگے دی ورتوں کیتی جاندی اے اوہ فائر پروف اے۔ ایہناں دھاگیاں نوں اک خاص انداز وچ ورتیا جاندا اے۔ اوہناں نے ہور دسیا کہ عمرہ تے حج دی ادائیگی دوران زائرین کئی وار غلاف کعبہ دے نال لٹک جاندے نیں جہدے مگروں غلاف دی مرمت لئی ڈیوٹی اُتے موجود اہل تے تربیت یافتا عملا ایس گل نوں یقینی بناندا اے کہ غلاف کعبہ ہر طرحاں دی دھوڑ توں صاف تے اوہدی چمک برقرار رہوے۔
