مردان دے 8من بھاری خان بابا دے غیر ملکی میڈیا وچ وی چرچے

مردان دے 8من بھاری خان بابا دے غیر ملکی میڈیا وچ وی چرچے

مردان(پاکستان پوائنٹ نیوز13۔جنوری2017ء) مردان دے 8من بھاری بندے دا اج کل بہت چرچا اے جہنوں موٹا ہون کارن خان بابا آکھیا جاندا اے۔ تفصیل دے مطابق 25ورھیاں دا پاکستانی ارباب خضر حیات پریمیئر ریسلنگ چینل ڈبلیو ڈبلیو ای (ورلڈ ریسلنگ انٹرٹینمنٹ) دا ممبر بنن تے ریسلنگ چیمپیئن بنن دا خاہشمند اے۔ خان بابا دی جو ڈیلی دی خوراک اے اوہدے وچ ہائی کیلویز ہوندیاں نیں جہدے وچ 5لیٹر دُدھ تے 2توں 3درجن آنڈے شامل نیں۔ ارباب خضر دا قد 6فٹ 3انچ اے جو اینی خوراک مگروں وی تندرست اے، اوہنوں کوئی بیماری نہیں اے۔ خان بابا دی شہرت دا ایہ حال اے کہ اوہ جتھے وی جاندا اے اوہنوں ویکھن تے اوہدے نال تصویراں بنوان دے خاہمشند لوکاں دیاں لائناں لگ جاندیاں نیں ، پر ہن خان بابا دا چرچا باہرلے ملک وی ہونا شروع ہو گیا اے۔