3مختلف شہراں وچ جڑواں پیدا ہون والے بال پر پیدائش دے سال وکھ

کیلیفورنیا۔3مختلف شہراں وچ پیدا ہون والے بال اُنج تے جڑواں نیں پر اوہناں دی پیدائش دے سال وکھ وکھ نیں۔ گلینڈل وچ ہولی شے دے گھر پہلا بال 31دسمبر 2016نوں 11 وجکے 50منٹ جدکہ دوجا بال 1جنوری 2017رات دو وجکے 1منٹ اُتے ہویا۔ کانٹن دے نارتھ سائیڈ ہسپتال چیروکی وچ اک کُڑی 31دسمبر 2016دی رات 11وجکے 20منٹ اُتے پیدا ہوئی جدکہ اوہدا بھرا اوہدے اک گھنٹے بعد 1جنوری 2017نوں رات 12وجکے 20منٹ اُتے پیدا ہویا۔ سان تیاگو دے شارپ میری برچ ہسپتال فاروویمن اینڈ نیو بورنز وچ اک کُڑی 31دسمبر 2016رات 11وجکے 56منٹ اُتے جدکہ اوہدی بھین 1جنوری 2017نوں رات 12وجے پیدا ہوئی۔ پچھلے ورھے 2016دے شروع وچ صرف اک فیملی دے گھر جو سان تیاگو وچ رہندی سی، دو مختلف ورھیاں وچ جڑواں بال پیدا ہوئے سن۔