ہن ماں پیو بالاں دی پیدائش توں پہلے ای اوہناں نال مل سکن گے

ہن ماں پیو بالاں دی پیدائش توں پہلے ای اوہناں نال مل سکن گے

پیدائش توں پہلے ای الٹرا ساﺅنڈ نال بال نوں پہلی وار ویکھنا بہت سارے ماں پیو لئی غیر حقیقی جہی گل اے پر اک نویں سکیننگ ٹیکنالوجی دی مدد نال ماں پیو سہ جہتی مجازی حقیقت وچ پیدائش توں پہلے ای بال نال ملاقات کر سکن گے۔ ایہ ٹیکنیک الٹرا ساﺅنڈ تے ایم آر آئی دی مدد نال بنائی گئی اے۔ ایس ٹیکنیک وچ رحم دے حصیاں تے جنین دا تھری ڈی ماڈل تیار کیتا جا رہیا اے، جہنوں ورچوئل رئیلٹی دی ورتوں نال حقیقت دا رنگ دِتا جاندا اے۔ ایہ نویں ٹیکنیک نہ صرف ماں پیو بلکہ ڈاکٹراں لئی وی فائدے مند اے۔ ڈاکٹر ہن بہتر انداز وچ جنین دا معائنا کر سکن گے۔ا یس ٹیکنیک نال صرف بال نوں ویکھنا ای نہیں بلکہ اوہدا تھری ڈی ماڈل پرنٹ کرنا وی ممکن اے۔