ملتان وچ پاکستانی تواریخ دا اک ہور مہنگا ویاہ

ملتان(پاکستان پوائنٹ نیوز31۔مارچ2018ء) ملتان وچ پاکستانی تواریخ دے اک ہور مہنگے ویاہ دے سوشل میڈیا اُتے بہت چرچے ہوئے نیں۔ تفصیل مطا بق پنجاب دا تواریخی شہر پاکستان دے مہنگے ترین ویاہ لئی بہت مشہور ہو گیا اے۔ ایتھے ہون والے ویاہواں وچ کُجھ تے غیر ملکی کرنسی کُھلی سُٹڈے رہے تے کُجھ لاڑے میاں لیموزین تے ہور مہنگیاں گڈیاں اُتے جنج لے کے اپنی گھر والی نوں لین اپڑے۔ ہن اک وار فیر ملتان وچ پاکستانی تواریخ دے اک ہور مہنگے ویاہ دے سوشل میڈیا اُتے چرچے ہوئے نیں۔ ایس وار گل غیر ملکی کرنسی سُٹن توں وی اگانہ ودھ گئی۔ ملتان دے علاقے حرم گیٹ وچ ہون والے ایس ویاہ دوران جدوں جنج کُڑی والیاں گھر اپڑی تے محمد عربی قریشی نامی لاڑے اُتے غیر ملکی کرنسی، موبائل فونز تے مہنگے کپڑے سُٹے گئے۔