مقامی نجی بینک دی اے ٹی ایم ڈبل شاہ بن گئی، اے ٹیم ایم کارڈ ورتن والیاں نوں وادھو پیسے دین لگی

مقامی نجی بینک دی اے ٹی ایم ڈبل شاہ بن گئی، اے ٹیم ایم کارڈ ورتن والیاں نوں وادھو پیسے دین لگی

وزیر آباد(پاکستان پوائنٹ نیوز17۔مارچ2018ء) مقامی نجی بنک دی اے ٹی ایم مشین ڈبل شاہ بن گئی۔ اے ٹی ایم کارڈ ورتن والیاں نوں دو توں تن گنا ودھ پیسے دین لگی۔ پیسے کڈھوان دا سلسلا سارا دن جاری رہیا۔ پتا چلن اُتے بنک عملے دیاں دوڑاں لگ گئیاں۔ لکھاں رُپئے دا نقصان۔ سی سی ٹی وی کیمریاں دی مدد نال ریکوری دی کوشش شروع۔ تفصیل مطابق اک نجی بنک توں اکاؤنٹ ہولڈراں نے اے ٹی ایم مشین راہیں اپنے اکاؤنٹ توں پیسے کڈھوائے تے مشین نے پنج ہزار دی بجائے 17ہزار تے 20ہزار دی بجائے 38ہزار کڈھ دتے۔

ودھ پیسے دین دا سلسلا سارا دن جاری رہیا۔ ایس طرحاں بنک نوں لکھاں رُپئے دا نقصان اپڑیا۔ جدوں بنک عملے نوں پتا لگا تے اوہناں دیاں دوڑاں لگ گئیاں ۔ بنک عملے نے پہلے اے ٹی ایم دی خرابی نوں دور کیتا فیر سی سی ٹی وی فوٹیج دی مد نال اے ٹی ایم کارد ورتن والیاں دی شناخت کر کے پیسیاں دی واپسی لئی اوہناں دے گھراں وچ رابطے شروع کر دتے۔ کئی کارڈ ہولڈراں نے اپنے طور اُتے پیسے واپس وی کیتے۔بنک عملا سارا دن ایسے کم وچ لگا رہیا۔