سیالکوٹ:کالج وچ کُڑی نال گل کرن اُتے نوجوان پڑھیار نوں جرمانہ

سیالکوٹ:کالج وچ کُڑی نال گل کرن اُتے نوجوان پڑھیار نوں جرمانہ

سیالکوٹ(پاکستان پوائنٹ نیوز03۔فروری2018ء) سیالکوٹ دے اک کالج وچ کُڑی نال گل کرن اُتے نوجوان پڑھیار نوں جرمانہ کیتا گیا اے۔ تفصیل مطابق سیالکوٹ دے اک کالج وچ کُڑی نال گل کرن اُتے نوجوان پڑھیار نوں جرمانہ کیتا گیا اے۔جرمانے دی رسید دی تصویر سوشل میڈیا اُتے پوسٹ ہوندے ای وائرل ہو گئی۔ رسید مطابق نوجوان نوں کُڑی نال گل بات کردے ویکھیا گیا۔

سوشل میڈیا ورتیندڑاں نے کالج انتظامیہ نوں تنقید دا نشانہ بناندے ہوئے آکھیا کہ صرف کُڑی مُنڈے دے گل بات کرن اُتے ای پابندی لانا مذمت جوگ اے۔ سکولاں، کالجاں تے یونیورسٹیاں وچ سانوں برابری دا سبق پڑھایا جاندا اے پر ایس طرحاں دے جرمانے کرن نال کیہ برابر ہو رہی اے؟ایس توں وکھ کُجھ لوکاں دا کہنا اے کہ جے کُڑی مُنڈے دے گل کرن اُتے ای جرمانہ کرنا اے تے فیر بہتر ایہو اے کہ دوواں دے اکٹھے پڑھن اُتے ای پابندی لا دتی جائے تاں جے دوویں اک دوجے نال گل بات ای نہ کر سکن۔