لاہور(پاکستان پوائنٹ نیوز19۔جنوری2018ء) تائیوان توں تعلق رکھن والا اک شہری احتجاج کردے ہوئے عدالت اپڑ گیا۔ شہری دا موقف سی کہ میری بیوی سال وچ اک وار نہاندی اے۔ تفصیل مطابق سال وچ صرف اک وار نہان والی بیوی نوں اوہدے شوہر نے طلاق دین دا فیصلا کر لیا اے، جہدے لئی اوہ عدالت وی اپڑیا اے۔ شہری نے اپنی بیوی دیاں صحت تے صفائی خلاف عادتاں اُتے عدالت وچ اپیل دائر کیتی کہ اوہدی بیوی نہ تے دند صاف کردی اے تے نہ ای اپنے وال بناندی اے، اوہ بڑی مشکل نال سال وچ اک وار نہاندی اے۔
شوہر ولوں ایہ وی آکھیا گیا کہ جدوں اوہ اوہدی منگیتر سی تے شروع شروع وچ ہفتے بعد نہاندی سی پر جدوں ویاہ ہویا تے اک مہینے بعد نہان لگی جدکہ بال پیدا ہوئے تے سال وچ اک وار بڑی مشکل نال نہان لگی۔ شہری نے ہور آکھیا کہ بیوی دی ایہ عادت ہن برداشت توں باہر اے۔ عدالت نے دوواں دا موقف سُنن مگروں طلاق دا حکم جاری کر دتا۔
