علی پور دیاں 2کُڑیاں نے زندگی بھر نال رہن لئی اِکو مُنڈے نال ویاہ کر لیا

لاہور(پاکستان پوائنٹ نیوز03۔جنوری2018ء) علی پور دیاں واسی 2کُڑیاں علینہ ولد ملک ریاض حسین تے علیشبہ ولد محمد ساجد نے اِکو مُنڈے نال ویاہ کر لیا اے۔ تفصیل مطابق علیشبہ دا کہنا سی کہ میں علینہ نال بہت پیار کردی ساں اسیں دوویں بالپنے توں اکٹھے رہنا چاہندیاں ساں ،میں جلال پور دے رہائشی محمد فراز نال نکاح کیتا تے کُجھ چِر بعد ای میں اپنے خاوند نال گل کر کے علینہ دا ویاہ وی اپنے خاوند نال کروا دتا۔ دوویں محمد فراز نال خش وس رہیاں نیں پر کُڑیاں دے ماں پیو ولوں مُنڈے نوں مارن دیاں دھمکیاں دتیاں جا رہیاں نیں۔ کُڑیاں دا کہنا اے کہ ساڈی جان دے نال نال محمد فراز دی جان نوں وی خطرہ اے۔ اوہناں اعلا حکام توں مدد دی اپیل کیتی اے۔