بھارت(پاکستان پوائنٹ نیوز02۔جنوری2018ء) بھارتی ریاست تامل ناڈو دے شہر مدورائی وچ اک 27ورھیاں دے سافٹ ویئر انجینئر نے وال ڈِگن توں تنگ آ کے خُدکشی کر لئی۔ پولیس دا کہنا اے کہ خدکشی کرن والے بندے دی شناخت آرمتھن راج دے ناں توں ہوئی اے جو بنگلور وچ بطور سافٹ ویئر انجینئر نوکری کر رہیا سی۔ پولیس دا کہنا اے کہ 27ورھیاں دے سافٹ ویئر انجینئر دی کھوپڑی دی جلدی تھوڑی خراب سی جہدی وجہ توں اوہنوں بالچر ہو گیا۔
متھن نے اپنے کیریئر دی شروعارت چنائی توں کیتی، تن چار سال کم کرن مگروں پچھلے ورھے متھن نے بنگلور وچ آئی ٹی کمپنی وچ نوکری کیتی۔ متھن دا والد پہلے ای ایس دنیا توں ٹُر گیا سی جدکہ متھن دی ماں وسانتھی مدورائی دے علاقے جے ہندپرم وچ رہندی اے۔ اوہنے اپنے پُتر لئی کُڑی وی لبھنا شروع کیتی پر ناکام رہی۔ متھن دے وال دِنوں دن ڈِگ رہے سن ، جہدے کارن اوہ پریشان وی سی۔ایتوار دے دیہاڑے وسانتھی مندر توں واپسی اُتے متھن دی ماں نے متھن دی لاش نوں کمرے وچ لٹکیا ویکھیا۔گوانڈھیاں دی مدد نال اوہنوں ہسپتال لیجایا گیا جتھے ڈاکٹراں نے اوہناں نوں دسیا کہ ہسپتال اپڑن توں پہلاں ای متھن ایس دنیا توں ٹُر گیا اے۔
