پاکستان دا اوہ اکلا پنڈ جتھوں دی 100فیصد آبادی پڑھی لکھی اے‘جرم دی شرح وی صفر

گجرات(پاکستان پوائنٹ نیوز15۔نومبر2017ء) گجرات دا پنڈ رسالپور پاکستان دا اوہ اکلا پنڈ اے جتھے جرم دی شرح صفر تے شرح خواندگی سو فیصد اے۔ تفصیل مطابق تحصیل گجرات دا پنڈ رسالپور پاکستان دا اوہ اکلا پنڈ ااے جتھوں دی 100فیصد آبادی پڑھی لکھی تے جرم دی شرح صفر اے جدکہ اوس پنڈ دیاں گلیاں بہت صاف ستھریاں تے جنوراں نوں صحت دے اصولاں مطابق رکھیا جاندا اے۔ ہور ایہ کہ پنڈ دے ہر شہری اُتے فرض اے کہ اوہ سکول جائے ۔ ایس توں وکھ حیرت دی گل ایہ اے کہ پنڈ وچ کُڑیاں توں ودھ مُنڈیاں دی گنتی سکول وچ تعلیم حاصل کردی اے جدکہ رسالپور پاکستان دا شاید اوہ اکلا پنڈ متھیا جاندا اے جتھے تمباکو پینا منع اے۔