روس: انسان نوں موت توں پہلاں فریز کر کے زندہ چُکن دا تجربہ

روس(پاکستان پوائنٹ نیوز15۔نومبر2017ء) روس وچ اک کمپنی ولوں اجیہا تجربہ کیتا جا رہیا اے جہدے راہیں انساناں نوں موت توں پہلاں فریز کرکے ،اوہنوں فیردوبارہ ہوش وچ لیاندا جائے گا۔ کرایورس کمپنی اپنی اک لیبارٹری سوئٹر لینڈ وچ کھولنا چاہندی اے جتھوں ایو تھنزیہ نوں قانونی حیثیت حاصل اے۔ سائنسداناں دا کہنا اے کہ ایس عمل دا مقصد دماغ نوں نقصان توں بچانا اے تے ایس عمل نال کُجھ دناں تیکر انسانی جُثے نوں فریزکر کے فیر پہلی حالت وچ لیاندا جا سکے گا۔یاد رہوے کہ کرایو جینکس اجیہا عمل اے جہدے وچ انسان نوں مرن مگروں فریز کیتا جا ندا اے،تے اوہدے جُثے وچوں خون کڈھ کے اوہدے وچ جم جان والا اک مادہ بھر دتا جاندا اے۔ اجیہا طریقہ روس تے امریکا وچ ای اے۔