پڑھیار نے بلیو وہیل ورگی آن لائن گیم دا ٹاسک پورا کرن لئی لیکچرر نوں کلاس روم وچ قتل کر دتا

ماسکو(پاکستان پوائنٹ نیوز02۔نومبر2017ء) روسی پڑھیار نے بلیو وہیل ورگی آن لائن گیم دا ٹاسک پورا کرن لئی لیکچرر نوں کلاس روم وچ قتل کر دتا۔ تفصیل مطابق اینڈرے نامی روسی پڑھیار نے بلیو وہیل ورگی آن لائن گیم دا 50واں ٹاسک پورا کرن لئی خطرناک کم کیتا۔ اینڈرے نے پہلے تے کلاس وچ موجود اپنے 45ورھیاں دے لیکچرار نال سیلفی لئی تے فیر اوہدے گلے نوں آری نال وڈھ دتا، جہدے مگروں فیر اوہنے اوہدے نال سیلفی بنائی۔

سیلفی وچ اینڈرے بہت خش وکھالی دے رہیا اے۔ پولیس نے اینڈرے نوں گرفتار کرکے تفتیش شروع کر دتی اے۔ کُجھ لوکاں نے دسیا کہ اینڈرے اپنے اُستاد توں ناخش سی تے ایہو اوہدے قتل کرن دی وجہ اے۔ پر بعدوں پولیس نے تفتیش دا دائرہ کار ودھایاتے پتا لگیا کہ ایہ قتل وہیل طرز دی گیم دا دتا ہویا ٹاسک سی۔ مقتول لمے چِر توں اوسے کالج وچ پڑھائی دے شعبے نال جُڑیا سی، جو 3بالاں جواب وی سی۔