نیواڈا(پاکستان پوائنٹ نیوز19۔اکتوبر2017ء) دنیا دا سبھ توں نِکا ملک صرف 33بندیاں اُتے مشتمل اے تے ایہدا رقبہ 6.3ایکڑ اے۔تفصیل مطابق جیویں پوری دنیا نوں پتا اے کہ بھارت تے چین دا شمار دنیا دی سبھ ودھ آبادی رکھن والے ملکاں وچ ہوندا اے ایسے طرحاں دنیا دا سبھ توں نِکا ملک ریپبلک آف مولوسیا اے جہدی آبادی صرف کُجھ لوکاں اُتے مشتمل اے۔جو کہ امریکی ریاست نیو اڈا وچ قائم اے۔
ریپبلک آف مولو سیااک خود ساختہ ملک اے جہدی اقوام متحدہ تے کسے دوجے ملک ساہمنے کوئی حیثیت نہیں تے نہ ای اوہنوں وکھ منیا گیا اے۔ ہور ایہ کہ 1977وچ ریپبلک آف مولوسیا نوں بنان دا خیال کیوین بوگلے تے اوہناں دے دوستاں نوں آیا جو ایس نِکی جہی تھاں تے رہندے سن جہدے مگروں اوہناں نے اپنے طور اُتے ریپبلک آف مولوسیا دی آزاد ریاست دا علان کیتا تے کیوین بوگلے نوں ملک دا صدر متھیا۔ کیوین بوگلے دے دوبال نیں جدکہ اوہدی گھر والی نوں فسٹ لیڈی دا درجہ حاصل اے۔ کیوین بوگلے پچھلے چالھی ورھیاں توں آپے صدر بنیا بیٹھا اے۔ ذکر کیتے گئے ملک وچ اپنا قانون‘ ثقافت تے کرنسی اے جدکہ سیاحاں دی وڈی گنتی ہر سال ایس ملک وچ آؤندی اے۔
