سوانی دے گھر 7کلو بھاری بال دی پیدائش‘ لوک حیران

ویتنام(پاکستان پوائنٹ نیوز17۔اکتوبر2017ء) ویتنام دی رہائشی سوانی دے گھر 7کلو بھاری بال دا جنم ہویا اے۔ بال دے جنم نے گھر والیاں سنے ساریاں نوں حیران کر دتا اے۔ تفصیل مطابق بھاری بال دی پیدائش ہفتے دے دیہاڑے ہوئی پر بال دا بھار 15.7پونڈ جو کہ (7-1) کلو گرام اے۔ بال دے والد دا کہنا اے کہ جدوں ڈاکٹراں نے اوہنوں بال دے بھار بارے دسیا تے اوہنوں یقین نہ ہویا۔ ہسپتال ترجمان مطابق بال دا بھار 7.1کلو گرام اے جدکہ ماں تے بال دوویں صحت مند نیں۔ ایتھے ایہ گل ذکر جوگ اے کہ ایس توں پہلاں ایسے جوڑے گھر 2013وچ وی بھاری بال دا جنم ہویا سی جہدا بھار پیدائش ویلے 4.2کلو گرام سی۔